Евгений Петров (асл фамилияси Катаев, 1902–1942) — рус совет ёзувчиси, драматург ва журналист, ёзувчи Валентин Катаевнинг укаси. У Одессада туғилган. Петров Илья Ильф билан биргаликда «Ўн икки стул», «Олтин бузоқ» романлари ва «Бир қаватли Америка» китобини ёзган. 1938 йилдан «Огонёк» журналининг бош муҳаррири бўлган. Иккинчи жаҳон уруши йилларида ҳарбий мухбир сифатида ишлаган ва 1942 йилда ҳалок бўлган. Сурат: Елеазар Лангман, Wikimedia Commons (жамоат мулки).
