Ака-ука Гриммлар — Якоб Гримм (1785–1863) ва Вильгельм Гримм (1786–1859), немис тилшунослари ва халқ оғзаки ижоди тадқиқотчилари. Улар немис халқ эртакларини тўплаб, «Гримм эртаклари» номи билан бир неча тўплам чоп этган. Бу эртаклар дунёнинг кўплаб тилларига таржима қилинган. Ака-ука Гриммлар герман филологиясининг асосчиларидан саналади. Умрининг охирида улар немис тилининг илк катта луғатини тузишга киришган. Сурат: рассом Элизабет Йерихау-Бауман, Wikimedia Commons (жамоат мулки).
