Эмил Лудвиг (асл фамилияси Кон, 1881–1948) — немис ёзувчиси, жаҳонга машҳур биограф. У Бреслау (ҳозирги Польшадаги Вроцлав) шаҳрида туғилган. Лудвиг ҳуқуқшуносликни ўрганган, аввал пьеса ва новеллалар ёзган, журналист бўлиб ишлаган. 1920 йилларда Гёте, Бисмарк, Наполеон каби буюк шахслар ҳақидаги, тарихий фактлар ва руҳий таҳлилни уйғунлаштирган биографиялари билан дунёга танилган. У 1932 йилда Швейцария фуқаролигини олган, 1940 йилда АҚШга кўчиб ўтган. Унинг «Митти айбдор» ҳикояси нашриётимиз чоп этган «Дон Кристобалнинг хатоси» тўпламига киритилган. Адиб 1948 йилда Швейцариянинг Аскона шаҳрида вафот этган. Сурат: Германия Федерал архиви, Wikimedia Commons (CC BY-SA 3.0 DE).
